Pangenter Baos (Ugrawakia)

Silih sinunggilkawagedansane kaulatiasajeroningmalajahin basa Baliinggih punikakawagedanmabebaosan.AkehkramaBaline ngrasayangmungguingmabebaosan antukbasaBalialus sajeroningpakraman meweh pisan.Punika mawinanngawityowana, iraga patuturati ringkawagedan puniki.MakasamiyowanaBaline patutnaenanmalajah mabaosaninggian mapidartautawingwacen bacaan basaBali tiosan minakadingwacen puisi, teksdrama,cerpen, novel, miwahsane lianan.

Ringpaplajahan puniki ngiringsarengsami malajah ngwacen teks panganterbaosutawipembawaacaramabasaBali.Wacen imbabasaBaliringsor puniki, rarismagilirankaajengkelasengwacen sahangabetangkadi angganingpanganterbaos rikalaparikramapiodalanringprahyanaganutawi pura.

NGENTERANG PAMUSPAN

PANCA SEMBAH

Inggih, matur sisip titiang ring para pamedek sinamian.

Titiang nunas uratian Ida dane, duaning parikramane pacang kakawitin.

Om Swastyastu,

Ratu Pranda sane dahat suciang titiang, Ida dane para bhakta miwah para pamedek sane banget wangiang titiang.

Saantukan dane Jero Mangku sampun wusan ngastawayang wangi druene, sane mangkin sampun panamaya titian patut ngiringang Ida dane nglanturang pamuspan. Siagayang riin sarana pamuspan druene. Yening sampun sayaga, sadurung nglanturang panca sembah, ngiring riin matrisandhya!

Asana………………..pranayama……………………..kara sudhama.

“Om kara sudhamam swaha, Om hati sudhamam swaha”.

Trisandhya ngawit!

……………………………(Matrisandhya sinarengan)………………………………….

Inggih, Ida dane para bhakta sinamian, sane mangkin ngiring lanturang pamuspan Panca Sembah! Kapertama, sembah mamarisuda angga sarira lan idep. Asepang riin tangan druene raris unggahang tangan puyung! Inggih, durusang!

……………………………(Sembah puyung kalaksanayang)…………………………...

Inggih, puput. Sane mangkin sembah kaping kalih, pangacepe nunas pangupasaksi majeng ring Ida Sang Hyang Siwa Aditya, masarana antuk sekar petak. Asepin riin sekare. Raris unggahang!

…………………………...(Sembah majeng ring Hyang Siwa Aditya)………………….

Inggih, tedunang. Sane mangkin nglantur sembah kaping tiga, pangastawane majeng ring Sang Hyang Ista Dewata, Sasuhunan sane malingga malinggih ring Padmasana. Pangubakti druene patut masarane antuk kawangen utawi Sekar warna-warni dados kaangkat. Asepin riin, raris unggahang!

……………………………(Sembah ring Hyang Ista Dewata)………………………….

Inggih, puput. Ngiring mangkin lanturang antuk nunas waranugraha majeng ring Ida Sang Hyang Samudaya! Taler masarane antuk kawangen, yening nenten muat kawangen kaangkat nganggen sekar warna-warni. Asepin riin, raris unggahang!

…………………………..(Sembag ring Hyang Samudaya kamargiang)………………..

Inggih, tedunang. Ambil sekarnyane akidik raris sumpangang ring karna utawi ring siwaduara druene!.Sane mangkin pinaka pamuput, munggah tangan puyung malih apisan maka belat ngaturang suksma. Asepin riin tangan druene, raris unggahang!

……………………………(Sembah pamuput kamargiang)……………………………..

Inggih, tedunang. Ida dane sinamian, puput sampun pailen sembah pangubhakti druene. Titian nunas ring Dane Jero Mangku mangda ledang maicayang wangsuh padan Ida Bathara. Malih ajebos prada wenten sane mapikayun ngaturang dana punia, durusang rauh ka genah punia sane sampun kacumawisang! Inggih, matur suksma,

OmSantih Santih SantihOm.(Suwijadkk.Widia Sari X 2012)