MATERI SEMBRAMA WACANA

MATERI AJAR BAHASA BALI

( I WAYAN SUARDIKA, S.PD. )

SEMBRAMA WACANA

Pangresep Indik Sembrama Wacana

5.1 Teges Sembrama Wacana

Sembrama Wacana inggih punika bebaosan sané katlatarang sané daging lan tetueknyané

ngenenin indik nyanggra utawi nyapa para undangan ring sajeroning upacara adat, agama miwah

acara sané lianan.

Wenten makudang-kudang soroh Sembrama Wacana manut tatacarane maktayang makadi :

• Sembrama Wacana Dadakan, inggih punika ri kala maktayang Sembrama Wacana nenten

nganggén téks, riantukan sang sané nyanggra undangan (sané maktayang Sembrama Wacana)

nadaksara kasudi mangda nyanggra para undangan.

• Sembrama Wacana Kawacen, inggih punika Sembrama Wacana sané sampun kaparidabdabang,

sampun maduwé téks, tur ri kala maktayang Sembrama Wacana ngawacén téks,

riantukan sang sané maktayang Sembrama Wacana punika sampun jangkep sareng naskah

sané jagi kawedarang .

• Sembrama Wacana Kaapalang, inggih punika Sembrama Wacana sané sampun kaparidabdabang,

sampun maduwé teks, tur sampun kaapalang, raris ri kala maktayang Sembrama

Wacana sang sané ngawedar Sembrama nénten nganggén téks utawi ngawacen téks / lisan.

• Sembrama Wacana Ringkesan, inggih punika Sembrama Wacana sané sadurung kabaktayang

sampun nyiagayang naskahnyané sané marupa sesuratan unteng-unteng Sembrama

Wacana kéwanten.

5.2 Wangun Sembrama Wacana

Sajeroning makarya Sembrama Wacana patut uning indik tata cara ngaryanang Sembrama

Wacana punika sakadi :

1. Murda : Murdan Sembrama Wacanane mangda anut ring topik sane jagi kabaktayang.

2. Pamahbah : Pamahbah patut madaging pangastungkara, Pangrastiti ring Ida Sanghyang

Widi, matur pangayubagia majeng ring para undangan sané sampun ledang rauh.

3. Daging : Daging Sembrama Wacana, mangda anut ring topik acara sané kamargiang

mangda para undangan tatas uning ring indik lan pamargin acarane.

4. Pamuput : Pamuput patut madaging panyuksma majeng ring para undangan sané sampun

prasida rauh micayang uratian lan pangrastitine majeng ring acara sané kemargiang, matur

nunas pangampura antuk kakirangan ri kala nyanggra para undangan, taler panyineb antuk

parama santi.

5.3 Tetikes Sembrama Wacana

Wénten agem-ageman ri kala maktayang Sembrama Wacana, sané kawastanin tetikes makadi :

• Wicara inggih punika kawagedan utawi kawikanan ring sajeroning indik daging bebaosan

(penguasaan materi). Rikala maktayang Sembrama Wacana bebaosane patut manut ring

topik Sembrama Wacana sané kabaktayang, mangdané prasida nudut kayun para uleman

sane miragiang.

• Wirasa inggih punika kewagedan sajeroning ngaresepang lan ngerasayang daging bebaosan

(menghayati). Ritatkala maktayang Sembrama Wacana kacihnayang antuk pangrasa

mangdané para uleman sané sampun rauh rumasa bagia santukan sampun kasanggra becik.

• Wiraga inggih punika semita lan laras (gerak tubuh) sang sané maktayang Sembrama Wacana,

mangda anut ring daging sembrama sane kabaktayang

• Wirama inggih punika intonasi suara, vokal, tanjek bebaosan rikala maktayang Sembrama

Wacana mangda anut ring punggelan lengkara, punika sane ngawinan lengut kapiragi olih

UDIANA SASTRA Sembrama Wacana 5

para uleman sami.

• Wesata inggih punika kewagedan ring sajeroning nyobyahan utawi ngalimbakang daging

bebaosan

6 Sembrama Wacana UDIANA SASTRA

Pidabdab 1. Ngwangun Pangresep

Tiosan ring Sembrama Wacana, basa Bali taler mabuat kawigunayang tatkala jagi makarya

laporan. Yéning sisya-sisyané manggihin wénten acara formal, irika wénten kabaos panitia. Wénten

pinaka ketua, sie bagian utawi anggota. Ring kepanitian kadi punika majanten wénten makarya

laporan pinaka bukti masurat saantukan jagi, utawi sampun ngamargiang pituduh ring pakaryan

punika. Mangda alit-alité waged makarya pidarta, sadurungnyané indayang cawis pitakén ring sor!

1. Napi sané kawastanin Laporan ?

2. Sira naenin makarya laporan ?

3. Nuju sapunapi anaké patut makarya Laporan ?

4. Indik napi biasané kabaosang ?

Laporan Manggalaning Prawartaka Ulang Tahun Sekaa Truna Truni Banjar Tan Janten

Om Swastyastu

Sané murdayang titiang bapak kelihan Adat bajar Tan Janten

Ida, Dané krama sami sané tresna sihin titiang

Ring rahina sané becik puniki ngiring sareng sami ngaturang pangrastiti ring Ida Sang

Hyang Widhi Wasa, santukan wantah sangkaning pasuécan Ida, iraga sareng sami prasida masadu

ajeng iriki jagi maosang indik parikrama pamargin wanti warsa banjar Tan Janten tahun 2015 sané

sampun kamargiang.

Titiang sané kasudi pinaka ketua panitia, ring rahinané puniki, lugrayang titiang nlatarang

indik pamargin acarané puniki .

1. Ngawit rahina radité tanggal 1juni 2015 jagi kawéntenang acara mareresik ring balé banjar

nyantos sawewengkon désa Tan Janten.

2. Ring rahina soma selanturnyané pacang kawéntenang lomba widang olahraga miwah permainan

sané ngalédangin kayun

3. Ring rahina anggara, kawéntenang lomba mekarya sanganan tradisional mangda truna

truniné sami kréatif.

4. Ring rahinané mangkin ring pajantosan wantiwarsané kawentenang malam kesenian.

Indik prabéa sané kaanggén ngremba acara puniki mawit saking jinah kas sekaa truna truni

kawewehin antuk kauntungan kupon basar sané sampun kamargiang.

5.1 Teges Laporan

Laporan inggih punika wangun bebaosan lisan utawi tulis ngenénin sekancan pariindik

pinaka sarana informasi utawi pertanggung jawaban saha mutusang sahananing wicara sané

sampun kamargiang sajeroning organisasi. Laporan mawiguna kaanggén nelatarang sahananing

pangerencana parilaksana miwah hasil sané kapikolihang ring sajeroning pekaryan sané sampun

kalaksanayang.

5.2 Wangun laporan

Wangun laporan wénten makudang-kudang soroh sakadi:

1. Laporan mawangun formulir/utawi matrik, inggih punika laporan sané sampun maduwé

blangko. Sang sané nyurat laporan punika wantah nagingin blangkoné kémanten.

2. Laporan mawangun mémorandum utawi nota, inggih punika laporan sané daging ipun

cendek utawi bawak. Laporan puniki sering kaanggén antuk pejabat ring para karyawané

kémanten.

3. Laporan mawangun surat inggih punika laporan sané katlatarang sakadi surat, tur dagingnyané

dados ngunggahang sekancaning pariindik.

8 Sembrama Wacana UDIANA SASTRA

4. Laporan mawangun naskah inggih punika laporan sané sakadi makalah, daging ipun kepah

dados topik miwah sub topik.

5. Laporan mewangun buku inggih punika laporan sané kasusun sakadi buku.

5.3 Tata Cara Nyurat Laporan

1. Pangrencana laporan

• Napi sane jagi kalaporang

• Napi mawinan patut kalaporang

• Malih pidan jagi kalaporang

• Indik napi sane jagi kalaporang

Yening sampun sida nyawis pitakene puniki pacang prasida maosang indik latar belakang,

pikobet, tetujon laporan.

2. Mupulang sapariindik (mengumpulkan bahan)

3. Sistematika utawi nudonang daging laporan

4. Nyurat laporan

Lokasi:

Berbagi :