MATERI SATUA BALI

SATUA BALI

Teges Satua
Satua inggih punika soroh carita sané marupa satua sané wénten ring sajeroning rakyat Bali,
sampun ketah duk ilu ring pakraman, nénten madaging paséngan (aran) sang pengawi/pengarang/
penulis. Satua puniki nénten kauningin utawi tan kejanten ipidan kakaryanin. Satua (dongéng)
taler kaparinama volkloor, folklore, folktale, satua parajana, utawi cerita rakyat.
Soroh Satua
Satua-satua ring Bali dados kaparak dados pitung soroh inggih punika
1. Satua sami soroh buron/binatang (fabel)
Upama : Sang Lutung-Sang Kekua, I Empa - I Angsa, I Cicing - I Kambing, I Bojog - I Kekua.
2. Satua Buron miwah manusa
Umpama : Crukcuk Kuning, Siap Selem, Tantri Kamandaka, I Botol tekén I Samong, Ni Diyah
Tantri, Cangak Mati Lobané, Pan Cubling, Anggling Darma.
3. Satua manusa miwah manusa
Umpama : Pan Balang Tamak, I Belog, I Dempu Awang, Pan Ketumpit, Pan Bungkling, Ni
Wayan Taluh, Pan Angklung Gadang, Durma.
4. Satua Dewa miwah manusa
Umpama : I Lengar, I Bintang Lara, Bagus Diarsa, Raré Singar, I Sigir Jalma tuah Asibak, Raja
Pala.
5. Satua Dewa miwah Raksasa
Umpama : I Tuung Kuning.
6. Satua Dewa miwah Buron
Umpama : Ni Diyah Tantri, Tantri Kamandala.
7. Satua manusa, Déwa, miwah Buron
Umpama : Cupak Grantang, Bawang Kesuna.

Cecirén satua
Cecirén satua Bali rikala masatua ring alit-alité inggih punika :
1. Peséngan (adan, nama) sang pangawi nénten kauningin utawin kengkebang, nénten kaunggahang
(anonim).
2. Madué unteng satua sané patut rereh suksmané (satua makulit, makna tersirat) sekadi : pendidikan,
piteket, pitutur, filsafat, agama, sosial, adat, skala, niskala, miwah sané lianan)
3. Nganggén kruna pamahbah : ada koné tuturan satua, ada koné orah-orahan satua.
4. Nganggén kruna : lantas, laut, suud kéto suba kéto, pamuput, goak maling kuud-satua bawak
suba suud.
5. Yan kasatuayang wénten kruna panyambung “Maan’!
6. Teges sané kasinahang (unténg satua, téma) sané patut katulad indik: pendidikan budi pakerti,
tata laksana, parisolah, manah, cinta kasih, tresna asih, tulung tinulung, gotong royong

Conto satua Bali
I Lutung tekén I Kekua
Ada tuturan satua, I Lutung tekén I Kekua. I Lutung sedek mesayuban di beten kayuné.
Dingeha I Kekua nyeselan iba kené munyine, “beh kené suba lacur. Masan ujan-ujan keweh
pesan ngalih amah. Yen mekelo kené, sing buungan awaké lakar mati”. Mara dingeha munyi
keto I Lutung inget. Lantas tongosé ento kepaekin. Tepukina I Kekua berag acum, saja mirip
tuna amah. Laut I Lutung ngomong nimbal, “Ih Kekua, suud monto meseselan. Awaké
nepukin tongos melah, dauh tukad Cengcengé ada pondokan. Ento pondokné I
Kaki Perodong. Di sisin abianné misi punyan biu. Abulan ané suba liwat, awaké
maan mentas ditu.
Biuné liu ané wayah-wayah, mirib jani suba pada nasak”. Beh prajani ilang
seduké I Kekua mara ningeh orta keto. Demen kenehné lakar maan ngamah biu
nasak. Laut ia mesaut enggal “Aduh sang Lutung, yen keto apa kaden melahné.
Nanging kéngkénang kema, sawireh pondoké ento joh. Tukad Cengcengé
linggah, buina keweh pesan liwat”. Mara keto munyiné I Kekua,
lantas I Lutung memunyi, “Beh belog iba Kekua. Cai kaden dueg
ngelangi. Yen ajak cai satinut, jalan kema sibarengan. Gandong
awaké, ngaliwat tukad. Cai ngantosang beten dibongkolné,
yen maan biu tetelu, cai abesik, deweké
dadua”.
Gelising satua, majalan koné ia ajaka dadua.
Tusing mekelo pajalané, neked ia di sisin tukad
Cengcengé. Ngénggalang I Lutung magandong di tundun
kekuané. Ngesir pajalan I Kekua nuut yeh, wiréh ia dueg
ngelangi. I Lutung negak duur tunduné, sambilanga kejengat-
kejengit. Disubané neked di sisin tukadé lantas subarengan
tuun, tur saget ada ngenah pondok. Pondokné ento gelah I Kaki Perodong. Lantas ia tolah-tolih
natasang Kaki Perodong.Kakenehang baan I Lutung pondoké
suung. Di lantas I Lutung ngenggalang menek
punyan biuné ané sedeng mabuah nasak. I
Kekua ngantosang di bongkol punyan biune.
Gelisang satua I Luung ngempok biu masé
ané tasak duang bulih tur peluté maké dadua,
I Kekua baanga kulitné dogen. Sedeng iteh
I Lutung ngamah biu, lantas I Kali Prodong teka, tur ngomong “Bah né I Lutung ngamah
biuné, jani kar matiang!”. Ditu lantas I Kekua mengkeb di batan punyang biune. Kaki Prodong
teka ngaba tumbak lanying. Pejalané adeng-adeng ngintip I Lutung. I Lutung kaliwat kendel
kenehné. Ia tusing naen téken kaukan bayané, nu iteh ngamah biu nasak di punya. Sedeng
iteha I Lutung ngamah biu lantas kasapeg baan arit olih Kaki prodong tur beneng lambungné.
Ditu lantas I Lutung ulung maglebug ké tanahé tur ia mati. Bangken I Lutung tadtada ka
pondokné. Keto upah anaké demen mamaling tur nguluk-nguluk timpal.

Ri sampuné wusan ngwacén satua “ I Lutung tekén I Kekua” ring ajeng, napiké sampun alit-alité
presida ngresepang daging lan suksmanipun? Mangdané presida kauningin amunapi sampun
ngresepang daging satua ring ajeng, indayang suarin pitakéné ring sor puniki !
1. Napi murdan satuané ring ajeng ?
Cawisan:.............................................................................................
2. Siré sané masayuban ring punyan kayuné ?
Cawisan:.............................................................................................
3. Napi mawinan I Kekua nyeselin iba ?
Cawisan:.............................................................................................
4. Kija ajakiné I Kekua téken I Lutung ?
Cawisan:.............................................................................................
5. Di tukad napi I Lutung ngelangi ajak I Kekua ?
Cawisan:.............................................................................................
6. Kéngkén carané I Kekua ngajak I Lutung ngliwatin tukad?
Cawisan:.............................................................................................
7. Nyen ngelah abian biuné ané lakar aliha téken I Lutung ?
Cawisan:.............................................................................................
8. Kéngkén solahné I Lutung tekén I Kekua disubané ngamah biu?

Satua Bali

Ring aab jagat sane sampun nglimbak utawi modern sakadi mangkin, kawentenan tatamian leluhur ngancan rered tur benjang pungkur ical, sakadi kawentenan satua Bali sane mangkin sayan akidik anak alit-alite uning. Punika mawinan alit-alite mangkin sampun akehan sane madue handpone sane becik tur canggih sane kaanggen maplalianan game kemanten.

Teges Satua

Satua ingih punika karya sastra Bali purwa sane mawangun prosa, sane kawangun bebas nenten nganutin uger-uger sekadi uger-uger sesuratan tembang.Satua punika silih sinunggil kepahan saking fklor Bali sane akeh wenten ring kawentenan jatma ring Bali. Satua pinaka cerita rakyat. Sekadi soroh poklor sane lianan , satua, sane pinaka silih sinunggil saking wangun kebudayaan (kolektifnya), sane kawarisang turun temurun sane kamargiang antuk bebaosan (purwa/lisan), ngawinang wenten variasi ring soang-soang satua .

2. Unsur-unsur satua

Satua punika kawangun antuk kalih unsur. Unsur sane ngawangun satua wenten kakalih inggih punika unsur intrinsik lan ekstrinsik.

a. Unsur Ektrinsik Satua

Dados silih sinunggil saking karya sastra sane masifat fiktif, satua punika kawangun antuk unsur ektrinsik, inggih punika unsur-unsur sane mawit saking jabaning aspek sastra (Antara, 2010:20). Lumrahnyane, unsur-unsur ektrinsik (unsure luar) tersebut marupa (1)pangripta , (2) nilai-nilai sane wenten ring satua, lan (3) biografi pengarang.

b. Unsur intrinsik satua

1. Unteng : inggih punika wantah dasar carita utawi unteng pikayun sane ngedasarin carita punika.

2. Lelintihan : wangunan satua sane kawangun antuk makudang-kudang pidabdab sane madue paiketan (sebab-akibat).

3. Pragina : punika wantah pragina sane wenten ring caritane punika tur saha kauningayang indik parisolahan praginane punika. Pragina kaepah 3 epahan inggih punika wenten pragina utama (antagonis), Pragina protagonis (tungkalikan saking antagonis), lan pragina sampingan/pembantu.

4. Genah : latar punika wantah genah carita punika mamargi.

5. Paribasa/majas/gaya bahasa : Gaya bahasa inggih punika gaya bahasa sane kaanggen olih pengawi sane ngawinang pengwacen meled/tertarik ngwacen lan prasida menikmati karya sastra punika.

6. Diksi utawi pamilihan kruna

7. Piteket : amanat inggih punika wantah tetuek sane wenten ring caritane punika.

Satua bali puniki rumasuk ring Sastra Bali Purwa sane marupa gancaran (prosa) sane madue ceciren:

1. Madue text sane sifatnyane nenten nyata (hayalan).

2. Nenten kauningin sira sane ngaryanin satuane punika (pengarangnyane anonim).

3. Tokoh ring satuane punika akehan buron (binatang).

4. Tema sane kaanggen akehan ngenenin indik dharma lan adharma.

5. Satua bali puniki identic sareng kruna-kruna sakadi :

· Sedek dina anu,

· Wenten katuturan satua,

· Lantas, miwah sane lianan.

Ring sajeroning text satua bali madue makna sakadi:

1. Makna Persatuan dan Kesatuan

Makna persatuan dan kesatuan inggih punika kawentenan komunikasi pendengar lan pencerita.

2. Makna Kontrol Sosial

Makna kontrol sosial inggih punika kawentenang penilaian becik utawi nenten becik sareng tokoh sane wenten ring satua.

3. Makna Kesejahteraan

Makna kesejahteraan inggih punika berkaitan sareng kebahagiaan lahir lan batin sakadi saking miskin dados sugih.

4. Makna Religius

Makna religius inggih punika sakadi napi masyarakat nerima masukan kerohanian mangda ngamolihang margi sane becik ring mercepada.

5. Makna Lucu/Jenaka

Makna lucu inggih punika kawentenan tokoh sane lucu.

Lianan saking makna, text satua bali pastika madue fungsi, sakadi:

1. Fungsi Pendidikan

Fungsi pendidikan puniki mapaiket sareng membentuk karakter, etika, moral, lan kawentenan nilai becik utawi nenten becik.

2. Fungsi Religius

Fungsi religius puniki mapaiket sareng Tiga Kerangka Dasar Agama Hindu sakadi tattwa, susila, upacara lan mapaiket sareng Catur Purusa Artha sakadi dharma, kama, moksa, artha. Lianan Punika kepercayaan kawentenan karma pala.

3. Fungsi Sosial

Fungsi sosial mapaiketan sareng hubungan antar tokoh ring satua.

Daftar Pustaka : Saking makudang-kudang sumber ring buku lan Internet