PARAREM LELUU/SAMPAH DESA ADAT CENGKOK

 

PARAREM NITENIN LELUU UTAWI

SAMPAH RING WEWIDANGAN

DESA ADAT CENGKOK

 

 

 

 

 

 

 

 

 

 

 

 

 

 

 

DESA ADAT CENGKOK

 

 

DESA BAHA

KEC. MENGWI KAB. BADUNG

 

2020

 

 

 

 

PARAREM DESA ADAT CENGKOK

INDIK

NITENIN LELUU UTAWI SAMPAH RING

WEWIDANGAN DESA ADAT CENGKOK

 

Murda Citta

Om Swastyastu

Om Awignamastu Namasidham,

Sangkaning pasuwecan Ida Sang Hyang Parama Kawi lan ratu Gede penyarikan sane malingga ring Pura Ulun Desa, Krama Desa Adat Cengkok presida mutusan Pararem Desa Adat Cengkok indik nitenin leluu utawi sampah .

Pararem puniki mekadi pamiteges lan penyahcah sinalih tunggil daging awig-awig Desa Adat Cengkok, Desa Baha, Kecamatan abiansemal, Kabupaten Badung warsa 2016, pemekas palet 6 pawos 71 (1) lan (2) indik Keresikan lan Keasrian

Maprayojana mangda Krama Desa Adat sami presida trepti nitenin keasrian palemahan sane presida ngamedalan udara seger lan sehat.

Pararem puniki mangda karicikan dumogi presida amanggehaken sedaging awig-awig saha angkuhaken prayojanan karma makabehan.

Om Ksama Sampurna Ya Namah Swaha

Pawos 1  

Patitis lan Pamikukuh

(1). Patitis utawi tatujon pararem puniki inggih punika :

 ha.   Ngelaksananyang daging awig-awig Desa Adat Cengkok, Desa Baha, Kecamatan Abiansemal, Kabupaten Badung, pamekas Palet 6 pawos 71 indik Keresikan lan Keasrian.

 

na. Mangdene wenten anggen sepat siku-siku olih Prajuri Desa Adat Cengkok nitenin karesikan lan keasrian

 

ca.   Nitenin palemahan Desa Adat Cengkok kedas lan asri

 

(2).  Pamikukuh Pararem puniki inggih punika :

 

ha.   Undang- undang Nomor 18 tahun 2008 indik Pengelolaan Sampah.

 

na. Undang-Undang Nomor 32 tahun 2009 indik Perlindungan lan Pengelolaan Lingkungan Hidup

 

ca.  Undang- indang Nomor 36 tahun 2009 indik Kesehatan

ra. Undang- undang Nomor 10 tahun 2009 indik Kepariwisataan.

 

ka. Peraturan Daerah Provinsi Bali Nomor 4 tahun 2019 indik Desa Adat ring Bali.

 

da. Awig- awig Desa Adat Cengkok, Desa Baha, Kecamatan Mengwi,

     

      Kabupaten Badung warsa 2016.

 

Pawos 2

 

Teges , Genah, Aran, TPS 3R

 

(1). TPS 3R mateges Tempat Pengolaha Sampah Reduce, Reuse, Recycle.

 

  Ha. Reduce meteges utsaha nitenin leluu mangde ngarahina ngancan ngedikang.

 

  Na. Reuse meteges leluu sane siddha katitenin tur maguna malih minakadi anggen

 

        rerabukan utawi kompos.

 

Ca. Recycle meteges medaurulang soroh leluu sane prasida dados barang anyar.

 

(2).TPS 3R kawangun ring teben sisi kauh wewidangan Desa Adat Cengkok.

 

(3).TPS 3R  Desa Adat Cengkok kawastanin “TPS 3 R Bhakti Pertiwi” sahantukan

 

      Krama Desa Adat Cengkok sampun cumpu nyelekayang tetuwek bhakti ring Ida

 

      Sanghyang Ibu Pertiwi, antuk utsaha nitenin sahaning leluu mangda prasida Cengkok

 

      kedas pertiwi lestari.

 

Pawos 3

 

Sesorohan Leluu utawi Sampah

 

(1). Sane mawasta leluu utawi sampah inggih punika Sekancan Kotoran merupa kertas,

 

      daun, kepingan kayu, botol bekas, plastik, lan barang bekas siyosan sane ngusakang

 

      keresikan lan keasrian.

 

(2). Leluu utawi sampah organik inggih punika leluu sane prasida berek tur dados anggen

 

       beberekan utawi rerabukan.

 

(3). Leluu utawi sampah  non organik inggih punika leluu sane ten presida berek tur

 

       ngerusak palemahan nanging dados kedaur ulang minakadi : botol plastik, gelas

 

       plastik, kemasan minuman, botol kaca, logam, besi miwah sekancan ipun.

 

(4). Leluu utawi sampah non organik Residu inggih punika leluu sane ten presida berek

 

       tur meweh kedaur ulang minakadi : plastik kresek, kemasan, camilan, karet, popok

 

      bayi, softek miwah sekancan ipun.

 

 

(5). Bebayon utawi limbah inggih punika : yeh utawi banyu sane metu saking paon, kamar

     

      mandi utawi WC, limbah ubuh-ubuhan, miwah sekancan ipun.

 

(6). Leluu gede inggih punika leluu sane nglangkahin ukuran leluu biasa minakadi,

 

      bongkohan wewangunan, uwugan perabot sekadi kasur usak, rak, pintu lan sekancan

 

      ipun, wewidangan beburon miwah Sane siosan.

 

 

Pawos 4

 

Tata Cara Nitenin Leluu Utawi Sampah

 

(1). Leluu paumahan sane sampun apupulan mangda ten maura patut:

 

ha. Leluune mangdane saking ngawit sampun kapilah dados tetiga, minkadi leluu

 

      organik, leluu non organik daur ulang lan leluu non organik residu sane ten

 

      prasida kadaur ulang.

na. Leluu organik disampune kapupulan antuk  wadah patut kagenahang ring ungkur pemesuan soang-soang paumahan, nyantos sang sane meduwe amongan (petugas) sane jagi ngambil kebakta ring TPS 3R nyaran panemaya sane kategasang.

ra. Leluu non organik sane dados kedaur ulang disampune kapupulan antuk wadah, patut kagenahan ring ungkur pemesuan soang-soang paumahan, nyantos sang sane meduwe amongan (petugas) sane jagi ngambil kebakta ring TPS 3R nyabran panemaya sane kategasang.

ka. Bebanyon utawi limbah mangda soang-soang karma ngaryanin seftic tank utawi titenin mangda presida dados lemekan.

da. Leluu gede mangda ketitenin olih soang-soang karma ngantos paripurna.

Ta. Krama nenten kadadosan ngadol utawi nukar leluu non organik sane prasida dados kadaur ulang ring pemulung.

Sa. Yening kedapetang utawi wenten sane nguningan ring prajuru, karma sane ngadol utawi nyilurin lulu non organik daur ulang ring pemulung jagi keni pamidanda manut pararem puniki.

Wa. Soang-soang kaluwarga krame suka duka sane nenten maduwe utsaha naur paturunan leluu ngesasih akehnyane Rp. 15.000 ( limolas tali rupiah), karma suka duka sane maduwe utsaha naur paturunan leluu ngesasih akehnyane Rp. 20.000 ( kalih dasa tali rupiah), karma suka duka non aktif sane magenah ring dura Desa Adat Cengkok naur punia karesikan ngesasih akehnyane Rp. 10.000 (dasa tali rupiah), karma tamiu naur paturunan leluu ngesasih akehnyane Rp. 10.000 ( dasa tali rupiah ) satunggil kamar dunungan, karma suka duka sane meduwe leluu akeh padgata kala wenten upakara yadnya mangde mapunia lila kayun, jagi kapupulin olih sane ngangganin (petugas ).

 

Pawos 5

Pamiteges Ngutang Leluu utawi Sampah

 

(1). Sapesira ugi, nenten kadadosang ngutang leluu utawi sampah ten manut ring sor :

ha. Ring telajakan, tebe, karang suwung, tegal miwah sawah

na. Ring margi, rurung lan tukad utawi telabah, miwah talikunda utawi

      jelinjingan

(2). Nenten dados nunjel leluu non organik riantukan dahat ngawetuang kawon kawarasane.

 

Pawon 6

Indik Pamidanda

(1). Sapasira ugi krama sane ngutang leluu, bebanyon, ten manut kadi pararem puniki jagi ketiwakang pamidanda  napkala akehnyane pateh sekadi gebogan paturunan leluu ngesasih.

(2). Sapasira ugi karma kedapetang utawi wenten sane nguningan ring prajuru, karma sane ngadol utawi nyilurin leluu non organik daur ulang ring pemulung ketiwang pamidanda ngewaliang penyilur punika utawi jinah pengerga punika ring desa adat.

(3). Pamidanda matatujon pinaka piranti ngawetuang eling majeng ring karma indik karesikan, keasrian lan ketreptian.

(4). Sapesira ugi nyingakin wenten karma ngawag-ngawag ngutang leluu, bebayon, ten manut sulur, mangda msadok ring prajuru

Pawos 7

Uwah Uwahin Pararem

Kapungkur yening wenten muatang uwah uwahin pararem kabawosan lan kasungkemin ring sangkepan desa adat

 

Pawos 8

Pamuput

(1). Pararem puniki sampun kabligbagan tur kacumpu oleh paruman sabha Desa

       Cengkok duk dina jumat, tanggal 27 Juli 2020

       Taler kasungkemin oleh karma suka duka Desa Adat Cengkok duk paruman Budha Umanis tanggal 29 juli 2020

(2). Prarem puniki kalingga tanganin oleh prajuru Desa Adat Cengkok lan Kelian Desa Adat Cengkok.

 

	Bandesa Adat Cengkok     Drs. I Nyoman Rana			Panyarikan     I Made Mudita

 

 

 

 

 

 

 

 

 

 

 

 

 

“DESA ADAT CENGKOK”

DESA BAHA KECAMATAN MENGWI

KABUPATEN BADUNG

 

DAFTAR HADIR

HARI TANGGAL    : Jumat, 17 Juli 2020

KEGIATAN              : Parum Sabha Desa

NO	NAMA	JABATAN	TANDA TANGAN
1.		Bendesa	1.
2.		Patujuh		2.
3.		Panyarikan	3.
4.		Patengen		4.
5.		Kelian Sabha Desa	5.
6.		Kerta Desa		6.
7.		Anggota	7.
8.		Anggota		8.
9.		Anggota	9.
10.		Anggota		10.
11.		Anggota	11.
12.		Anggota		12.
13.		Anggota	13.
14.		Anggota		14.
15.		Anggota	15.
16.		Anggota		16.
17.		Anggota	17.

 

 

Lokasi:

Berbagi :