PARAREM NGADEGANG BANDESA ADAT CENGKOK

PARAREM DESA ADAT CENGKOK

NOMOR : 06 TAHUN 2021

TENTANG

NGADEGANG BANDESA ADAT

DESA ADAT CENGKOK

MURDHA WAKYA

Om Swastiastu,

Om Awighnamastu Nama Siddham

Antuk Asung Kertha Wara Nugraha Ida Sang Hyang Widhi Wasa, Pararem Ngadegang Bandesa Adat lan Prajuru Desa Adat Cengkok prasida kapuputan sane kaanggen Uger-Uger utawi Sepat Siku-Siku ngelaksanayang Adat miwah Agama Hindu ring Desa Adat Cengkok mewastu prasida mamukti tata trepti kertha raharja, mangguh kerahayuan, kasukertan sekala lan niskala. Pararem puniki makadi piranti anggen nepasin parikrama sedaging Awig-Awig sane durung jenar tur durung tastas jangkep. Asapunika taler sedaging Pararem puniki patut kagendu wirasayang (kadharmatulayang) malarapan sanistan ipun paruman prajuru mangda prasida kamargiang malarapan paras paros sagilik saguluk.

Pararem Ngadegang Bandesa lan Prajuru Desa Adat patut katitenin miwah kaparipurnayang nyabran limang warsa nganutin sengker ngadegang prajuru anyar. Para Prajuru, bilih-bilih para manggala kaaptiang pisan mangda jangkep nyungkemin sadaging Pararem puniki mawastu presida nyobyahang ring krama miwah prasida ngalaksanayang ring Desa Adat.

Mogi Ida Sang Hyang Widhi Wasa kalih prabhawa Ida sane malinggih ring luhuring Pura Kahyangan Desa setata ledang asung kertha waranugraha mapaica tuntunan ring krama Desa Adat Cengkok.

Om Santih, Santih, Santih, Om.

MURDHA CITTA

1. Desa Adat adalah kesatuan masyarakat hukum adat di Bali yang memiliki wilayah, kedudukan, susunan asli, hak-hak tradisional, harta kekayaan sendiri, tradisi, tata krama pergaulan hidup masyarakat secara turun temurun dalam ikatan tempat suci (kahyangan tiga atau kahyangan desa ), tugas dan kewenangan, sertta hak mengatur dan mengurus rumah tangganya sendiri.

2. Banjar Adat atau Banjar Suka Duka atau sebutan lain adalah bagian dari Desa Adat.

3. Krama Desa Adat adalah warga masyarakat Bali beragama Hindu yang mipil dan tercatat sebagai anggota di Desa Adat.

4. Mipil adalah sistem redgistrasi keanggotaan Krama Desa Adat.

5. Pemerintahan Desa Adat adalah penyelenggaraan tata kehidupan bermasyarakat di Desa Adat yang berkaitan dengan Parahyangan, Pawongan, dan Palemahan yang diakui dan dihormati dalam sistem pemerintahan Negara Kesatuan Republik Indonesia.

6. Prajuru Desa Adat adalah Pengurus Desa Adat

7. Bandesa Adat / Kelian Desa atau Kubayan atau dengan sebutan lain adalah Pucuk Pengurus/Pimpinan Desa Adat.

8. Sabha Desa Adat atau Widya Sabha Desa Adat adalah lembaga mitra kerja Prajuru Desa Adat yang melaksanakan fungsi pertimbangan dalam pengelolaan Desa Adat.

9. Kertha Desa Adat adalah lembaga mitra kerja Prajuru Desa Adat yang melaksanakan fungsi penyelesaian perkara adat/wicara berdasarkan hukum adat yang berlaku di Desa Adat setempat.

10. Majelis Desa Adat yang selanjutnya disingkat MDA adalah persatuan (paiketan) Desa Adat di tingkat Provinsi, Kabupaten/Kota, dan Kecamatan secara berjenjang yang memiliki tugas dan kewenangan di bidang pengalaman adat istiadat yang bersumber dari agama Hindu serta kearifan lokal dan berfunhsi memberikan nasihat, pertimbangan, pembinaan, penafsiran, dan keputusan bidang adat, tradisi, budaya, sosial religious, kearifan lokal, hukum adat, dan ekonomi adat. Pengorbanan suci (yadnya).

11. Sad Kerthi adalah upaya untuk menyucikan jiwa (atma kerthi ), menjaga kelestarian hutan (wana kerthi) dan danau (danu kerthi) sebagai sumber air bersih, lait beserta pantai (segara kerthi), keharmonisan sosial dan alam, yang dinamis (jagat kerthi), dan membangun kualitas sumber daya manusia (jana kerthi).

12. Awig-Awig adalah aturan yang dibuat oleh Desa Adat yang berlaku bagi Krama Desa Adat, Krama Tamiu, dan Tamiu.

13. Pararem adalah aturan/keputusan Paruman Desa Adat sebagai pelaksanaan Awig-Awig atau mengatur hal-hal baru dan/atau menyelesaikan perkara adat/wicara di Desa Adat.

14. Dresta adalah adat kebiasaan/tradisi yang terwariskan secara turun temurun dan masih ditaati oleh Desa Adat, Perda 04 Tahun 2019 Provinsi Bali Tentang Desa Adat.

SARGAH KALIH

PAMIKUKUH LAN PATITIS

Pawos 1

PAMIKUKUH

Desa Adat Cengkok ngamanggehang pamikukuh, minakadi :

Ha. Pancasila;

Na. Pasal 18 B Ayat (2) Undang-Undang Dasar Negara Republik Indonesia Tahun 1945;

Ca. Peraturan Daerah Provinsi Bali Tahun 2019 Tentang Desa Adat di Bali (Lembaran Daerah Provinsi Bali Tahun 2019 Nomor 4, Tambahan Lembaran Daerah Provinsi Bali Nomor 4);

Ra. Peraturan Gubernur Bali Nomor 34 Tahun 2019 tentang Pengelolaan Keuangan Desa Adat di Bali (Berita Acara Provinsi Bali Tahun 2019 Nomor 34);

Ka. Peraturan Gubernur Bali Nomor 4 Tahun 2020 tentang Peraturan Pelaksanaan Peraturan Daerah Provinsi Bali Nomor 4 Tahun 2019 vTentang Desa Adat di Bali.

Da. Keputusan Paruman Agung Desa Adat se-Bali Tahun 2019 Nomor : 09/KEP/DA- BALI/2019 tentang Deklarasi Pembentukan Majelis Desa Adat (MDA);

Ta. Anggaran Dasar dan Anggaran Rumah Tangga (AD/ART) Majelis Desa Adat di Bali Tahun 2020;

Sa. Hasil Pasangkepan Tim Perumus Pedoman Ngadegang Bandesa Adat atau sebutan lain dan Prajuru Desa Adat, MDA Provinsi Bali pada hari Selasa, 7 Juli 2020;

Wa. Awig-Awig Desa Adat Cengkok

Pawos 2

PATITIS

Luwir Patitis Desa Adat Cengkok :

Ha. Mikukuhin miwah ngerajegang Sang Hyang Agama Hindu;

Na. Ngutamayang tata Prawrettining Maagama;

Ca. Ngrajegang kasukertan Desa saha Pawongannya sekala lan niskala;

Ra. Ngrajegang kasukertan druwen Desa.

SARAH TIGA

SUKERTA TATA PAKRAMAN

Palet 1

Tatacara Ngadegang Bandesa lan

Prajuru Desa

Pawos 3

Kapisarat Calon Bandesa

Ha. Krama nguwed saking leluhurnyane Desa Adat Cengkok lan kari mapikurenan sane meagama Hindu jenek alungguh ring wewidangan Desa Adat Cengkok.

Na. Uning Adat, Budaya, Catur Dresta Desa Adat Cengkok

Ca. Waras lan tan cacad angga pramana.

Ra. Maparilaksana becik lan Nenten naenang keni pamidanda Pidana utawi Perdata.

Ka. Jujur, Pradnyan, Wicaksana, madrebe pangunadika, lascarya ngayah.

Da. Sampun marabian.

Ta. Tan cedangga tur uning ring tata adat Agama Hindu, sekirang ipun prasida nyurat la ngwacen aksara.

Sa. Nenten memadat utawi ngangge Narkotika.

Wa. Nenten nyarengin utawi dados prajuru organisasi terlarang.

La. Polih pengestu saking istri sane kacihnayang maduluran antuk ilikita.

Ma. Polih pangestu saking pemucuk ring genahnyane makarya.

Ga. Yening wenten sinalih tunggil prawartaka pinaka dados calon mangda kemedalang saking prawartaka.

Ba. Ngamedalang Pas Photo berwarna ukuran 4 x 6 = 2 Lembar

Pawos 4

(1) Tata cara ngadegang Bandesa :

Ha. Kawentenang prawartaka/panitia pemilihan, kemanggalanin antuk Widya Sabha, Kertha Sabha, Kelian Banjar Adat lan Dinas Se-Desa Adat Cengkok, Pecalang Desa, sami ngepah raga medasar paras-paros sarpenaya .

Na. Sami krama Banjar utawi Desa dados ngusulang calon Bandesa mawiwit saking krama Desa (nguwed) sane sampun lan kari maperabian.

Ca. Calon saking prajuru Banjar utawi Desa kaselehin olih prawartaka, raris kapastikayang dados calon Bandesa;

Ra. Pemargi pemilihan jagi kemargiang manut kaputusan paruman/musyawarah mufakat (nenten kedadosang Votting, nyoblos/molongin gambar utawi nulis parab calon);

Ka. Ngadegang Bandesa kamargiang ring Wantilan Desa, Kelihan Banjar Adat lan Dinas patut nitenin lan nureksain pemargi Ngadegan Bandesa inucap.

Da. Calon sane kacawis dados Bandesa wantah calon sane kasudi manut sungkeman utawi pamutus paruman/musyawarah mufakat.

Ta. Bandesa wenang nyudi pangabihnyane.

(2) Prajuru Desa kaadegang limang (5) warsa apisan olih Paruman Paripurna Desa Adat, tur kakukuhang sanistane olih Manggala Majelis Desa Adat Kabupaten Badung.

(3) Prajuru sane wawu kapilih kaupasaksiang ring Pura Kahyangan Tiga utawi ring Pura Desa Puseh.

(4) Sajawaning wenten pariindikan sios, sang sampun puputin panumaya dados Prajuru, kengin utawi dados kapilih malih.

(5) Prade Bandesa Adat/Kelian Desa Adat mararianan, sadurung panumayan ipun, swadarmannyane, kamargiang olih Petajuh Bandesa Adat nyantos puput panumaya.

Pawos 5

(1) Ritatkala ngemargiang kasukertan Desa Adat, Bandesa kawantu olih:

(2) Ha. Patajuh, pinaka Wakil Bandesa.

Na. Panyarikan, pinaka Juru Surat.

Ca. Patengen, pinaka Pangemong Druwen (Juru Raksa) Desa.

Ra. Kelian Banjar Adat

Ka. Kelian Banjar Dinas

Da. Paiketan Pemangku

Ta. Sabha Desa

Sa. Kertha Desa

Wa. Serati Banten

La. Santhi Desa

Ma. Paiketan Krama Istri

Ga. Yowana

Ba. Pecalang Desa Adat.

(3) Ritatkala ngeterang kasukertan ring niskala, Bandesa patut misinggihang Pamangku Kahyangan Tiga lan Paiketan Pamangku.

(4) Indik tata titi ngadegang Bandesa, Swadarman lan patitis ipun, manut pararem

Pawos 6

Prajuru Desa

(1) Sane kasinanggeh Prajuru Desa inggih punika :

(2) Ha. Bandesa

Na. Patajuh

Ca. Panyarikan

Ra. Patengen

(3) Kapisarat dados Prajuru Desa patut :

Ha. Mawiwit saking krama Desa (nguwed), sanistannyane sampun tedun ngayah ring banjar adat.

Na. Waras lan tan cacad angga pramana.

Ca. Maparilaksana becik lan ten cacad hukum.

Ra. Jujur, pradnyan, wicaksana, madrebe pangunadika, lascarya ngayah.

Palet 2

Swadarma Bandesa lan Prajuru Desa

Pawos 7

(1) Swadharma Bandesa, inggih punika :

Ha. Ngeterang paruman-paruman Desa Adat.

Na. Ngeterang panglaksanan sadaging Awig-Awig miwah pamutus-pamutus Krama Desa, sane sinanggeh Pararem.

Ca. Ngraksa miwah nudonang tata-titine migunayang arta brana druwen Desa.

Ra. Nuntun saha ngenterang Krama Desa rawuhing warga Desa sami ngupadi kasukertan sekala lan niskala.

Ka. Nuntun saha nyaksi upacara sangaskaraning kahuripan sane mabuat.

Da. Nuntun saha ngenterang Krama Desa, nginggilang Sang Hyang Agama, kasucian Kahyangan, kasucian Palemahan, kasucian Pawongan, miwah tata-titine migunayang Setra.

Ta. Mawosin miwah niwakang pamutus marep ring wicara krama.

Sa. Ngangganin Desa Adat, matemuang bebawos ring sapasira ugi.

Wa. Lan sane sewosan saned wenten pakilitannya ring Desa Adat.

(2) Tata-titine nglaksanayang swadharma inucap ring ajeng, tan mare patut satinut ring daging Awig-Awig, Pararem, dresta miwah Pamutus Paruman Krama Desa Adat.

(3) Panglaksanane ring ajeng patut kasiarang ring Desa Adat, kapungkuripun.

(4) Sumakuta utawi sumanggup natak Pamutus Paruman Krama Desa Adat, ngeninin swadharman sowing-sowang Prajuru.

Pawos 8

Swadharmaning Petajuh inggih punika ngewantu Bandesa ring widang Parhyangan, Pawongan, lan Palemahan.

Pawos 9

Swadharmaning Panyarikan inggih punika ngewantu bandesa ngaryanin saluir sewalapatra, nyatet inventaris desa tur nyuratang saluiring pamutus pangerawos desa ring sangkepan.

Pawos 10

Swadharma Patengen inggih punika ngewantu bandesa ngaryanin utawi ngerincik sakaluwir pangeranjing miwah pamedal jinah desa Desa Adat lan ngupapira druwen desa.

Pawos 11

Swadharmaning Kelian Adat lan Dinas; ngewantu bandesa nyobyahang sualapatra utawi pamutus pengerawos desa lan ngewantu Petajuh Desa manut amongan dane ring baga.

Pawos 12

Swadharmaning Sabha Desa; Ngicenin tetibang ring Bandesa Adat ngamargiang sahananin pamargim pangrencana Desa Adat Manut Awig-Awig Desa Adat lan Pararem Penyacah Awig, sarwi nitenin lan nureksa sajeroning pemargin jinah lan nyumpuang antuk lingga tangan pamutus pamutus Bandesa utawi Kelian Desa.

Pawos 13

Swadharmaning Kerta Desa ; Ngicenin tetimbang ring Bandesa Adat indik Pamutus Sahananin Wicara ring Desa Adat sane tan manut ring Awig-Awig Desa.

Pawos 14

Swadharmaning Paiketan Pemangku ; Ngindikan indik Puja Pengastawa upakara krama lan warga Desa lan ngewantu Pemangku Khayangan Desa sarwi ngrastitiang kerahajengan Desa Adat rauh sekancan sedagingnyane.

Pawos 15

Swadharmaning Pesantian Desa ; Ngindikan lan ngelestariang sinalih tunggil Panca Suara lan nuntun para yowana lan alit-alite ring pasraman ngalestariang budaya Dharmagita minakadi kakidungan, wirama, lan gagitan.

Pawos 16

Swadharmaning Serati Banten ; Ngindikan indik sarwa upakara ri kalaning upacara ring Desa Adat.

Pawos 17

Swadharmaning Paiketan Krama Istri ; Ngawantu Kelian Desa Nudonin Pemargin acara upacara yadnya ring kahyangan Desa.

Pawos 18

Swadharmaning Pecalang Desa ngewantu Bandesa nreptiang pamargin upakara yadnya, dharmaning Agama lan Dharmaning Negara.

Palet 3

Wusan Dados Pamucuk Desa

Pawos 19

(1) Wusan dados Pamucuk Desa Adat, sangkaning :

Ha. Lina

Na. Pinunas ngraga

Ca. Swadharmannya sampun puputing sengker

Ra. Kawusanang/kanorayang olih Krama Desa duaning iwang pamargi, menawi nilar sesana

(2) Ngentosin, ngwusanang utawi nganorayang Pamucuk Desa Adat, patut kamargiang ring sajeroning Paruman Agung Desa Adat.

SARGAH PAPAT

NGUWAH-UWUHIN NGADEGANG BANDESA LAN

PRAJURU DESA

Pawos 20

(1) Nguwah-uwuhin Pararem Ngadegang Bandesa lan Prajuru puniki, wantah kengin kalaksanayang antuk Paruman Desa.

(2) Pakarsane nguwah-uwuhin punika, mangda mawit saking pakarsa Krama Desa, yadiastun kamedalang antuk sinalih tunggil Prajuru utawi sinarengan tur kacumponin antuk pinih kedik kalih pah tiga lintang saking sang ngamiletin paruman.

(3) Sakaluwiring indik sane sampun kasurat utawi sane durung, mangda kaanutang ring sadaging Pararem Ngadegang Bandesa lan Prajuru puniki.

(4) Satinut ring kawentenan Pararem Ngadegang Bandesa lan Prajuru Desa Adat Cengkok mangda nenten ring sajeroning pemargi kekantenang wenten mabinayan.

(5) Pamargin Parikrama Ngadegang Bandesa kalaksanayang Kalih Sasih sadurung ayahan utawi masa bakti bandesa puputin sengker.

SARGAH LIMA

SAMAPTA

(1) Pararem Ngadegang Bandesa lan Prajuru puniki kakaryanin kadasarin antuk Paruman Paripurna Desa Adat Cengkok Nemoning Rahina Redite Wuku Umanis Tanggal 21 Nopember 2021, kalinggatanganin antuk Bandesa lan Prajuru Desa Adat Cengkok saha keraremin antuk Kelian Banjar.

(2) Luwir sang nglinggatanganin:

Prajuru Desa Adat Cengkok

Bandesa Adat Cengkok Panyarikan

Rekomendasi

Majelis Desa Adat Provinsi

Bali Nomor : ……………….

Tanggal :…………………