MATERI LENGKARA LUMAKSANA MIWAH LINAKSANA

MATERI LENGKARA LUMAKSANA MIWAH LINAKSANA

Lengkara marupa kruna utawi pupulan kruna sané malelintihan tur nyritayang paindikan apaos. Lengkara sané jangkep ketah kawangun antuk (1) jejering lengkara/Subjek kalimat, (2) linging lengkara/predikat kalimat, (3) panandang lengkara/objek kalimat, (4) pidartaning lengkara/keterangan kalimat.

Pola Kalimat Basa Indonesia : S+P+O+K

Pola Lengkara Basa Bali : J+L+P+P

Nganutin parilaksanan jejering, lengkara kabinayang dados kalih (2) kadi ring sor!

1. Lengakara Lumaksana (Aktif)

Lengkara sané jejering lengkaranyané nglaksanayang pakaryan, kasinahang saking lingingnyané. Cecirén lengkara lumaksana, ketah linging lengkarannyané marupa:

a. Kruna kria lumaksana

upami: Bapa malali ka Jawi ibi peteng.

b. Kruna Tiron, mapangater ma-

upami: Komang mamula padi di carike.

c. Kruna Tiron, maseselan –um-

upami: Wayan tusing sumangsaya tekén beli!

d. Kruna Tiron, mapingiring –ang –in

upami: Luh, gaénang kopi susu!

Luh, ootin beblanjaan tiangé!

e. Kruna Polah

upami: Meme numbeg tanah kakalen tuni.

f. Kruna Tiron mawewehan gibung ma-an

upami: Kereng pesan Madé masuunan.

2. Lengkara Linaksana (Pasif)

Lengkara sané jejering lengkarannyané keni pakaryan, kasinahang antuk linging lengkarannyané. Lengkara linaksana, ketah kacirinag antuk linging lengkara marupa:

a. Kruna Kria Linaksana

upami: Potlot aba tiang masuk ibi sanja.

b. Kruna Tiron, mapangater ka-

upami: Embokne suba kajuang ka Mengwi.

c. Kruna Tiron, maseselan –in-

upami: Buku punika wus sinurat warsa 2022.

d. Kruna Tiron, mapagiring –a

upami: Bukuné suba abana masuk tekén I Komang.

e. Kruna Tiron, mawewehan gibung ka-ang, ka-in, pa-ang

upami: Piringé kasabatang di natahé.

Muridé ané bengkung kadukain olih I guru.

Bajuné suba pakidihang tiang.