Beranda / Materi

TEMBANG PUPUH MACEPAT PSP 2024

Posting Komentar

 


·         Tembang Wajib Putri (Pupuh Semarandana)

 

Singgih Ratu Sang Hyang Widhi.

Gung Aksama Iwang Tityang.

Asung Paduka Manonton.

Saking Sunyata Masurya.

Mangda Enteg Manah Titiang.

Sahitya Eling Ring Patut.

Mogi Tan Nikeling Iwang.

 

·         ARTOS :

 

1.      Inggih Nunas Lugra Titiang Majeng Ring Ida Sang Hyang Widhi Wasa.

2.      Sane Mangkin Titiang Nunas Pangampura Antuk Keiwangan Tittiange.

3.      Antuk Ledang Yukti Ida Batara Nyuryanin Pasikian Titiange

4.      Yadiastun Paduka Batara Wenten Ring Sunia Loka Titiang Nunas Kaledangan Batara Ngaksinin.

5.      Malarapan Pasuecan Batara Mawastu Dedep Manah Titiange.

6.      Tios Ring Punika Mangdane Titiang Nenten Surud-Surud Ngulati Sane Mawasta Kapatutan.

7.      Dumogi Titiang Nenten Ngawewehin Sane Mawasta Iwang Punika.

 

 

·         (Pupuh Ginanti)

 

Saking Tuhu Manah Guru

Mituturin Cening Jani              

Kaweruhin Luir Senjata            

Ne Dadi Prabotang Sai           

Kanggen Ngeruruh Merta          

Saenun Ceninge Urip

 

·         ARTOS :

 

1.      Inggih Para Semeton Sareng Sami Mangda Eling Kapining Catur Guru.

2.      Sane Mangkin Guru Jagi Pacang Mituturin Cerik-Cerike Makesami.

3.      Cerik-Cerike Pacang Kabekelin Senjata Sane Mawasta Palajahan Sane Becik.

4.      Palajahane Ento Anggen Cening Bekel Sebilang Wai, Pinaka Senjata Ring Jagate.

5.      Tan Je Sios Gunan Senjatane Punika, Wantah Kaanggen Ngrereh Amerta Jiwa.

6.      Palajahane Ento Anggen Cening Bekel Di Uripe Mangkin Kantos Kawekasan.

 

·         Tembang Wajib Putra ( Pupuh Sinom )

 

Yan Cening Sayang Ring Raga ,

Anake Malu Tresnain,

Wantah Keto Sasulurnya,

Da Cening Iwang Minehin,

Anake Tan Bina Yukti,

Sayange Ring Raga Patuh,

Sami Mangantebang Raga,

Masuwuk Ngopenin Urip,

Sida Durus,

Lantur Mangguh Keraharjan

 

·         ARTOS :

 

1.      Uduh Cening Cening, Yan Cening Sayang Tekening Raga.

2.      Anak Len, Miwah Timpal-Timpale Patut Tresnain.

3.      Tuwah Mula Buka Keto Sesulure Cening.  

4.      Eda Pesan Ja Cening Salah Senggu.

5.      Anake Ane Lenan, Tan Bina Teken Ragan Ceninge.

6.      Buwat Sayange Ring Raga Utawi Awak Ento Patuh Cening.

7.      Pada-Pada Nginggilang Awak.

8.      Pada-Pada Mangulati Dharmaning Urip

9.      Lantas Idup Ceninge Mangguh Kerahayuan.

 

·         ( Pupuh Durma )

Cai Durma, Pianak Bapa Paling Wayan

Tumbuhe Kaasih – Asih

Katinggalan Biang

Jumah Cening, Apang Melah

Bapa Luas Nangun Kerti

Kagunung Alas

Idepang Bapa Mati

 

·         ARTOS :

1.      Uduh Cening Wayan Durma, Pianak Bapa Paling Keliha.

2.      Ne Jani Cening Enu Umur Cenik, Idupe Sube Kaasih Asih.

3.      Lacur Cening Suba Kakalain Baan Biang I Dewane Kemu Ka Indra Loka.

4.      Eda Nyen To Seselange Cening, Jani Jumah Jumah Cening Apang Melah.

5.      Jani Bapa Masih Lakar Ngalain Ukudan Cening Kemu Pacang Metapa Berata.

6.      Tuah Kemu Ka Gunung Alase Pacang Nangun Tapa Berata, Idepang Jani Dewek Bapa Suba Mati Keto Nyen Cening.

 

Lokasi:

Posting Komentar untuk "TEMBANG PUPUH MACEPAT PSP 2024"