MATERI GANCARAN BALI PURWA & ANYAR
1. MATERI GANCARAN (ITHIHASA)
Sang Arjuna Polih Panugrahan
Kacrita mangkin Niwatakawaca sayan dot
manahnya nguugang suargané. Para punggawa
miwah para tanda mantrinya sami sakti tur misadia
ngetohang urip, mélanin Niwatakawaca. Akéh
sampun genah-genahé ring suargan karusak olih
Niwatakawaca. Sawiréh asapunika raris Ida Sang
Hyang Indra makarya naya singid marupa sabaya
dagingnya Niwatakawaca pacang kaicen upah.
Pamuputnya naya punika mapikenoh becik santukan
Niwatakawaca usan ngrusak suargané. Nanging Ni-
watakawaca sampun uning dikapan para déwatané
kayun lakar makekasihan melah-melah sareng watek raksasané. Punika awinan Niwatakawaca
tangar, tumuli ngutus teteliknyané nylusup rauh ka jagat tigané.
Sapangrauh teteliké ipun ngaturang gatra indik Sang Arjuna matapa ring Gunung Indrakila.
Samalihnya sampun polih panugrahan punika mawinan Sang Arjuna kaanggén kanti antuk Ida
Sang Hyang Indra. Punika awinan Niwatakawaca ngutus raksasa momo Si Murka sané sampun
kalumrah daat sakti praya ngrusak yasan Sang Arjunané. Tan ucapan Si Murka ring margi kacrita
sampun raauh ring Gunung Indrakila. Mailehan ipun ngrerehin genah Sang Arjuna nangun yasa
nanging nénten kapanggih. Mawastu ipun brangti sahasa pacang ngusak Gunung Indrakilané
mangdane obah yasan Ida Sang Arjuna. Mawastu Si Murka masalin rupa dados céléng daat ka-
binawa aeng tan bina sakadi Kumbakarna. Gunung Indrakilané kalumbih, tanahé masepuk batu-ba-
tunyané sambeh maleketik, punyan-punyan kayuné akéh bah balbal pasléngkat. Goané genjong
magejeran dindingnyané belah siag. Déning asapunika digelis Sang Arjuna nglesuang yoga, uning
ring karauhan durmanggala. Medal Sang Arjuna malincakan sinambi makta panah sregep saha
gandewa sampun mapentangang. Kacingak céléngé nglumbih, batu pilahdekdek remuk asing
poroda, sinamian sambeh plaketik. Daat gegaok Sang Arjuna nyingakin tingkah céléngé krura
pisan nglumbihin gunung. Gelis madabdab raris nyaluk kawaca tur gelang. Sasampuné puput
mabusana raris Ida sayaga nyantos sapangrauh i céléng. Kacrita mangkin Ida Sang Hyang Siwa
taler rauh magredegan mrika. Pamargan Ida jangkep kairing antuk para déwa resiné. Saking Siwa
Loka Ida Sang Hyang Siwa uning tur ngaksi kawéntenan Sang Arjunané sampun puput yasan
Idané Né mangkin panamayan Ida Sang Hyang Siwa nuréksain majalaran antuk rebat, anggén Ida
ngaruanang kadiran Sang Arjunané. Punika awanan pajalan Si Murkané
kasarengin Ida Sang Hyang Siwa. Ida nyaru-nyaru sakadi tingkah juru boros,
mangda polih dalihan marebat ring Sang Arjuna. Critayang mangkin céléngé
sedeng nyantepa nglumbih tumuli kaintip olih Sang Arjuna. Sang Hyang
Siwa taler sareng ngintip céléngé, tur kadangsekin tumuli raris kapanah
antuk panah mamutama mawastu keni lambungipuné. Sadaweg punika
Sang Hyang Siwa nyarengin nimbakang panah taler ngeninin lambung
célénge. Tatun celenge wantah asiki samalihnya panahe kapastu antuk
Ida Sang Hyang Siwa mangda dados asiki. Ring sampune padem Si
Murka encol Sang Arjuna nangsekin misadia pacang ngabut
panahe sawireh Ida nenten madue kayun sangsaya. Kacingak
Sang Arjuna encol pacang ngabut panahe, kala punika Ida Sang
Hyang Siwa ngandika brangas, “Ih, enyen iba langgana pesan teka
iju-iju nyemak panah tan patolihan. Nirdon cai maketu muah ma-
ganitri nongos di gunung alas nanging laksanan caine mamati-mati.
Panganggon caine dogen pandita, nanging keneh cain corah.
Kaketus Saking Buku Udiana Sastra
1. Pamiteges Gancara Ithihasa
Teges miwah panglimbak Itihasa
Nénten akéh parajanané sané ngwikanin utawi
uning munggwing sané kabaosang itihasa. Ring
sajeroning pengajahan Hinduné duké riin wantah
marupa rangkepan carita utawi satua, miwah épos
sané nyatuayang indik sejarah panglimbak kahanan
para raja-raja saking kerajaan Hindu sadaweg aab
jagaté sané nguni. Daging satua Itihasa punika akéhan
fantasi, sarat madaging piteket, roman, kewiraan sané
kasisipin taler antuk mitologi keagamaan mawastu
medal sifat kekasan pinaka sastra sepiritual.
Ring sajeroning épos punika ngunggahang sawarnaning dialog utawi bebaosan indik sosial,
politik, filsafat miwah idiologi, taler wénten tiori kapemimpinan, sané keanggé tutuntunan antuk
para raja-raja sadaweg punika. Itihasa maduwé arti sané sujati saking sehaning peristiwa. sapunika
kasujatian ipun parinama Itihasa kapicayang olih Bhagawan Wyasa sané kabaosang olih kitab
utawi cakepan Adi Parwa sané marupa bagian saking parwa kapertama saking Mahabharata .
Itihasa patut kauningin pinaka pidabdab rikalaning pacang ngartos daging cakepan suci sekadi
Wéda. Tios ring punika Itihasa taler marupa cakepan sejarah.
2. Daging Itihasa
Daging Itihasa punika prasida kasorohang manados tigang soroh inggih punika :
Ramayana, Mahabharata, miwah purana, sakéwanten manut tradisi sané kasengguhang
Itihasa wéten kekalih inggih punika Ramayana miwah Mahabharata. Sané ngeranayang kitab
Purana nénten prasiada karanjingang manados Itihasa , santukan ring sajeroning Purana punika
akéh madaging sapari indik sané nénten prasiada medaging nilai sejarah.Yadiastun ring kitab
Purana punika taler madaging riwayat indik Pandawa miwah Korawa nanging kirang jangkep.
Kacawisang salanturnyané kitab Purana punika kamuat ring sajerining sargah mandiri ring
klompok Upawéda.
Ramayana punika marupa épos sané nyaritayang indik kawicaraita pamargin Ida Sang Rama
, sapenyeneng Ida ring jagaté puniki. Ida wantah marupa awatara Wisnu. Buku Ramayana puniki
pinaka hasik kriya sastra sané pinih ageng saking Maha Rsi Walmiki. Buku agung puniki kasusun
madasar antuk 24 000 Stansa, kebagi dados 7 soroh raris satunggil soroh kawastanin Kanda inggih
punika : Bala Kanda, Ayodhya Kanda, Kiskhinda, Aranyaka Kanda, Kiskindha Kanda,Sundara
Kanda, Yudha Kandha miwah Utara kandha.
Mahabharata inggih punika cakepan sané
kawangun antuk 18 jilid, sané suang-suang
jilid punika kawastanin Parwa. Parwané puniki
kagubah manados syair sané akéhipun 100 000
Sloka. Wewidangan carita pokok ipun 24 Sloka
sané akéhan nyaritayang indik paperangan utawi
yuda sané kalintang rames selami 18 rahina para
Pandawa miwah Korawa. Wastan buku puniki
inggih punika nyaritayang Maha bharata Yudha.
sané maartos peperngan pataraning Korawa
ngelawan Pandawa. Wastan utawi perang ageng
keluwaga Bharata.
Kitab puniki kawastanin Wyasa Krisna Dwipayana, Pepalihan kitab Maha Bharata ingggih punika: Adi Parwa, Sabha parwa,Wana
parwa, Adi Parwa, Sabha Parwa, Wana Parwa, Wirata Parwa, Udyoga Parwa, Bhisma Parwa,
Drona Parwa, Karna Parwa, Salya Parwa, Sauptika Parwa, Stri Parwa, Santi Parwa,Anusasana
Parwa, Aswameda Parwa, Asramawasika Parwa, Mausala Parwa, Mahaprasthanika Parwa, dan
Swargarohana Parwa
3. Ringkesan
Itihasa wantah marupa rangkepan carita utawi satua, miwah épos sané nyatuayang indik
sejarah panglimbak kahanan para raja-raja saking kerajaan Hindu sadaweg aab jagaté sané nguni.
Daging satua Itihasa punika akéhan fantasi, sarat madaging piteket, roman, kewiraan sané ka-
sisipin taler antuk mitologi keagamaan mawastu medal sifat kekasan pinaka sastra sepiritual.
Daging Itihasa punika prasida kasorohang dados tigang soroh inggih punika :
Ramayana, Mahabharata, miwah purana, sakéwanten manut tradisi sané kasengguhang
Itihasa wéten kekalih inggih punika Ramayana miwah Mahabharata. Sané ngeranayang kitab
Purana nénten prasiada karanjingang manados Itihasa , santukan ring sajeroning Purana punika
akéh madaging sapariindik sané nénten prasiada medaging nilai sejarah.Yadiastun ring kitab
Purana punika taler madaging riwayat indik Pandawa miwah Korawa nanging kirang jangkep. Ka-
cawisang salanturnyané kitab Purana punika kamuat ring sajerining sargah mandiri ring klompok
Upawéda.
2. MATERI GANCARAN BALI ANYAR (NOVEL)
MLANCARAN KA SASAK
(Kacarita sareng tiga I Dayu Priya, I Madé Serati, muwah I Sari sampun rauh ring Sasak,
marerepan ring pasanggrahan Suranadi).
Sampun setengah solas.I Madé negak ring natah kamaré makebat tikeh, ngambiar sareng I
Sari. I Dayu ring ranjangé, sampun nganggén piyama. I Madé tengkejut, tan nahanan pisan ngeton
Ida yan pacang sirep;“Bika, cara kadituané sajan-sajan Ida. Buin cara Janiné saja-sajaan.I Dayu
ngeh ring pliat I Madéné.“Ngon Madé, oho, ngon? Yan tuman suba kéné, timpal yangé ané ajak
akamar di Bandung ngaénang yang piyama di Bandung, jani nu masih titip-titipine.”“Sira ? Corry
Aldres?” ”Oho, ia suba. Aruh, yang onyah orahange, tawang! Bani sing nganggon kamen pules....,
Béé I Madé pantalonné silaanga, sing usak,oo?”
“Banggayang benjang titiang masalin.” “Sing ngaba piyama, kéto dé?” “Makta kalih setél,
banggayang sampun ja titiang sapuniki..méh ten pules napi titiang... jelmané nika usak pesan dab-
dabanné!” “Tawange sing ada anak muani bareng dini, sangkal ia bagbag-begbeg uli tuni, tawang,
Dé. Buine ada sing buin tamu lénan!” “aruh, gedegé!” Madohosan I Madé.
............ Malih ajahané I Dayu ica. “Mara kéto I Madé alah panjak Yangé masila tiding betén,
mai ja dini bareng dini negak, mai Dé!” “Banggayang deriki Tu, aruh, pantes titiang nyanding
ratu irika?” “Jelé asane timpal betén. Yang nyegir pedidi.”“Tan pantes kenten Ratu nyegir? Ida
Ayu, malih mawang....” “Makenkén buin, dong, da ja Made ngitungan keto-keto! Kaden sing
ada keneh mipitang ane keto-keto! Kadén Made suba nawang Ajin Yange. Yang tahen mipit keto?
Nang orahang!”
“Mangkin ratu, ten uning ngalap rawes guyu....naaa, maaan mulihang....”“Nah Dé, utas
suba utang Madéné Kereng pesané I Maée muntil-muntil rawes.”“Sapunika sampun ratu. Wénten
sameton Ratu minang, Ratu ten kayun , jani anak suba nagih ajak masanding deriki, pang tulah
titiang,” I Dayu ica, I Sari sareng makebris.“Panggus Beli Madé... tulah!”
“Sing nulahin apa Yang. Betara kéto Yang.... Aruh api nyama, lamun sing cumpu Yang!
Mangsikina jangklekang Ida, kaling Yang batak mingkalih, mamindon tekén Ida...méh tuah ma-
ketelun sing tolih ida suba.”Dados Ida kadeange.....kemanten, sira sih paarab idané?”
“Ida Madé Warmadéwa.....”“Bih, luwung parab Idané mangkin sampun akuda Ida madué
rabi?”
“Bééééé, Madé.....ento suba pamucuk unduké keneh Yangé tawang....akuda nah, tegarang
Dé akuda,?”“.......Tawang, anaké di Gria madué rabi......patpat?” “Bééé, lebihan tekén patpat.”
“Méh Nyen. Saja Luh?” “Lebihan sajaan ba, Beli Madé!” “Bik, lebihan tekén patpat ““Sing! Nah
buin ta, Dé madé buin !” “Aruh, akuda madué rabi Ida? Akutus? Méh nyen!” “Paak suba, dé nah
bin acepok nah!” “ Adasa?” “Sing! Lebihan jani baan Madé,.” “Asia, ba!” “Mimih bes asiané,
ratuuu, kenkénang Ida koné?”Asapunika I Madé ngon. “Aruh, data takonang Madé, paturu bajang
data raosang.”
Ida kémad pisan tur karang uluné ( galengé) sané abinida arasida, mangda ten sinah kama-
didané.“To suba makrana Yang sing nyak ngiring kayun Ida.... Mimi, yén nyak Yang....”
“.....ten dados nomer daso ratu?” asapunika I Madé nugtugang rawos I Dayuné.“Aruh Madé
nyak sing Yang dadi nomer. Bes dadi nomer. Sing caraanga jelma nyen Yang dadi nomor dogén,
nomer sepuluh. Api Yang luh masih je Yang apang caraanga jelma. Ngéngkén Yang kanti ileh-ileh
ka Jawa masekolah mara teked di Gria masih kantetin anak Len ojoge. Pin je Yang daa tua”“Meh
nyen anaké marupa sekadi ratu ngantos daha tua!” “ Nah keto umpama.”
“Yakti,pedalem masih ratu bes dadi nomer dasa nyen enggih; yéning batak patpat, lelima ida
madué rabi, titiang tan pacang pariboya. Anak madué pantes caro iragané iriki.”“apa kaorang,
dé ibané ten pari boya.....”“Béé, jabag pesané ida ngansan.”“Men Madé juari je ya nyabagin.”
“Titiang nyang jabag ring Ida, dados?”“bé, kadena ragané ngesai matata ngerawes. Dadi! Madé
dogén dadi nyabagin Yang. Bes Yang meutang urip, to, yén sing Madé nyaup Yang meh dadi
jaja, pekas Yang lilig motor.”“Inggiiiiih! Punika mekrana ratu dados jabagin titiang?”“Men apa ?
idepang yang mayah utang tekén ma.....?” “Sing nampi, !”“Ica I Dayu. Imadé taler kedék sami.
.......................................................................................................................
................................................
Kaketus Saking Novel
“ Mlancaran Kasasak”
olih Gede Sarwana
1.1 Teges Novél
Wangun prosa Bali Anyar pateh sakadi gancaran ring sastra Bali purwa. Prosa Bali anyar
masaih ring prosa Indonesia, sane marupa cerpen, novel, miwah drama tur sering kabaos cerita fik-
si. Dadosnyane novel punika wantah sinalih tungil karya sastra Bali anyar mawangun prosa. sané
nyritayang kahuripan tokoh sajeroning novél sejangkepnyané. Punika sane mawinan kawastanin
novel.. Dadosnyane,novel punika wantah karya sastra Bali anyar sané mawangun gancaran, sekadi
Novel Nemu Karma ( 1931 ) olih I Wayan Gobiah, Malancara Ka Sasak ( 1935 – 1939) olih I Gede
Srawana ring majalah Djatajoe,Sayong ( 1999 ) olih I Nyoman Manda
1.2 Unsur intrinsik Novél
Unsur intrinsik inggih punika sinamian unsur sané wénten ring jeroning satua utawi novel
sané jangkép ngwangun karya sastra novél punika sekadi (a) Tema : Unteng pikayunan utawi ide
pokok miwah (b) Alur carita utawi plot : Paletan Alur sekadi: a Paletan Pamungkah, (b) Paletan
medalnyané wicara, (c) Paletan nincapnyané wicara (d) Paletan Klimaks.
A. Alur sajeroning novél kasorohang kadi asapuniki:
(a) Alur maju , (b).Alur Mundur, (c).Alur Gabungan
B. Tokoh carita inggih punika: manusa utawi i Beburon sané pinaka pragina sané kacari-
tayang ring sajeroning karya sastra olih sang kawi, Ring sajeroning tokoh puniki kapa-
lih dados papat soroh, inggih punika :
(a) Tokoh Protagonis, inggih punika tokoh sané becik utawi taler kabaos tokoh utama.
(b) Tokoh Antagonis, inggih punika tokoh sané maparilaksana kaon, utawi tokoh sané
matentangan sareng tokoh utama.
(c) Tokoh Tritagonis, inggih punika tokoh sané makanti sareng tokoh utama asapunika
taler antuk tokoh sané siosan.
(d) Tokoh pembantu, inggih punika tokoh sané ngawantu pamargin carita.
C. Insiden inggih punika wicara-wicara sané mabuat ( sané marupa konplik ), ring pam-
argin karya sastra sané kacaritayang olih sang kawi ring jeroning karya sastrannyané
D. Latar utawi setting inggih punika genah utawi galah pamargin aedan carita sané kacar-
itayang ring sajeroning karya sastra
1.3 Unsur Ekstrinsik ring sajeroning karya sastra novél, wantah unsur-unsur sané wénten ring
jabayan karya sastra novél, sané ngindikang indik pengarang miwah kepengaran.
Daftar Pustaka:
- Buku Udiana Sastra XII SMA/SMK (Didikpora Provinsi Bali) : 2016
Posting Komentar untuk " MATERI GANCARAN BALI PURWA & ANYAR"